‘काळं/पांढरं’ म्हटलं की आपल्या डोळ्यांसमोर जुने सिनेमे, जुने फोटो, गतकाळातील छापील मजकूर तसेच आठवणी येतात. आपल्या संवेदना, जाणिवा आणि सौंदर्यविचार हे काळ्या/पांढऱ्या रंगांतून उमटत राहतात. ह्यांपलीकडे, हे दोन रंग दोन टोकाच्या भूमिका आणि दृष्टिकोन सूचित करत असतात. ह्यातून, आपण नैतिक-अनैतिक, चूक-बरोबर, सुष्ट-दुष्ट, सत्य-असत्य, चांगलं-वाईट ह्या द्वंदातून जगाकडे बघू लागतो. पण, रंगांचे हे दुहेरीपण कायम, स्थिर असतंच असं नाही. ते प्रवाही आणि विस्तारणारं असतं. काळ्या-पांढऱ्याचे आपापल्या परीने अर्थ लावण्याचा प्रयत्न हाकारा । hākārā-च्या ८व्या आवृत्तीत लेखकांनी आणि कलाकारांनी केला आहे.