मानवी जीवनात प्रवाही असणं नैसर्गिक असतं, जीवन सतत बदलत असतं. तरीही, विसंगती आणि व्यत्यय ह्या गोष्टी प्रवासाचा भाग असतात, आणि काही वेळेला त्या आपल्याला थांबायला आणि विचार करायला भाग पाडून बदलत्या काळात आणि बदलत्या परिस्थितीत घटितांचा पुनर्शोध घेण्यास प्रवृत्त करतात. हाकारा | hākārāच्या २३व्या आवृत्तीतून आम्ही ‘प्रवाह’ आणि ‘प्रवाहीपण’ ह्यांच्या विविध आयामांचा दृश्यरूपांतून आणि कथनरूपांतून, सर्जनशील निर्मितीतून आणि तात्त्विक मांडणीतून शोध घेण्याचा प्रयत्न केला आहे.