व्यक्ती आणि समुदाय हे गतिशील असतात, संचार करीत असतात. ते कामाकरिता, स्वतःच्या परिस्थितीत बदल घडवण्याकरिता, किंवा वेगवेगळ्या समूहांचा तसेच आर्थिक-सामाजिक वर्गाचा भाग होण्याकरिता संचार करीत असतात. संचार ही एक भौतिक-शारीरिक कृती तर आहेच; पण त्यापलीकडे संचार ह्या संकल्पनेला सामाजिक, आध्यात्मिक, आणि भावनिक परिमाणेही आहेत. हाकारा । hākārā-च्या २०व्या आवृत्तीत ‘संचार’ ह्या संकल्पनेच्या अशा बहुविध परिमाणांचा शोध घेतला आहे.