‘धूळ’ ह्या विषयाला सामोरे जाताना लेखक, कलाकार, विचारवंत कसे अभिव्यक्त होतात, हे समजून घेण्याचा प्रयत्न आम्ही हाकारा । hākārā-च्या १३व्या आवृत्तीत केला आहे. ‘धूळ’ ह्या भिंगातून आपलं जगणं, आपला इतिहास आणि आपली संस्कृती याकडे पाहण्याची दृष्टी आपल्याला कशी मिळू शकते ? बदल-प्रक्रियेची साक्ष म्हणून धूळ असते की, त्या प्रक्रियेचा ती अविभाज्य भागही असते ? वर्चस्ववादी उतरंडीच्या रचनेतील कमकुवत घटकांकडे वा समूहांकडे ‘धूळ’ म्हणून पाहिले जाते का ? ही ‘धूळ’ नेमकी असते तरी काय ? असे काही प्रश्न नजरेसमोर ठेवून ह्या अंकाची मांडणी केली आहे.