अनादिकालापासून सुरू असणाऱ्या ‘खळबळी’चा थांगपत्ता लागणे कठीण. विश्वाच्या निर्मितीआधीचे निराकार रूप म्हणजे खळबळ असू शकेल. किंवा, जिच्यातल्या कणभर बदलाने संपूर्ण व्यवस्था अस्थिर होऊ शकते अशी गुंतागुंतीची व्यवस्था ‘खळबळी’मध्ये सामावलेली असेल. अगदी छोटीशी घटना, गतकाळातला एखादा प्रसंग, एखादे चित्र, अर्धवट उच्चारलेला एखादा शब्दही खळबळीला पुरेसा ठरतो. तसेच, नवनिर्मितीची बीजं खळबळीत सामावलेली असतात. खळबळीतून उद्भवणाऱ्या अनिश्चिततेविषयीचे, अस्वस्थतेविषयीचे, गरगरून टाकणाऱ्या भवतालाविषयीचे कलाकारांचे आणि संशोधकांचे चिंतन हाकारा । hākārā-च्या ४थ्या आवृत्तीत आपल्याला दिसून येईल.