निबंध / Essay
26 ऑगस्ट , 2025
डॉ. दीपक पवार
डॉ. दीपक पवार हे अध्यापन आणि संशोधन ह्या क्षेत्रांत पंचवीस वर्षांहूनही अधिक काळ सक्रिय असून, सध्या मुंबई विद्यापीठातील राज्यशास्त्र विभागात प्राध्यापक म्हणून कार्यरत आहेत. महाराष्ट्र शासनाच्या उच्च व तंत्रशिक्षण विभागात विशेष कार्यकारी अधिकारी हे पदही त्यांनी भूषविले आहे. लेखक, कवी, भाषिक चळवळीतील कार्यकर्ता, भाषांतरकार, पत्रकार, स्तंभलेखक, वक्ता, राजकीय विश्लेषक असे बहुआयामी व्यक्तिमत्त्व त्यांना लाभले आहे. ‘ग्लोबल इंडिया नेटवर्क’ ह्या युरोपीयन युनियन-अनुदानित संघाचे सदस्य, ‘मराठी अभ्यास केंद्रा’चे सह-संस्थापक सदस्य व अध्यक्ष, ‘CLEAR’ ह्या भारतीय भाषांच्या सबलीकरणासाठीच्या मंचाचे संस्थापक सदस्य म्हणून डॉ. पवार ह्यांनी मौलिक योगदान दिले आहे. डॉ. पवार ह्यांनी ‘मराठी भाषेची अश्वेतपत्रिका – २०१४’, ‘भाषाविचार’ ह्या मराठी पुस्तकांच्या, तसेच ‘Post Globalisation Politics of Language in Maharashtra’ ह्या इंग्रजी पुस्तकाच्या माध्यमातून भाषाविषयक राजकीय विश्लेषण मांडले असून, ‘शिक्षणाचे मराठी माध्यम : अनुभव आणि अस्वस्थ वर्तमान’ ह्या ग्रंथाचे सह-संपादन केले आहे. महाराष्ट्र-कर्नाटक सीमावाद, लोकशाही, लिंगभाव-समता इत्यादी विषयांवर त्यांनी पाच मराठी ग्रंथांचे संपादन केले असून, ‘दूरस्थाचा पसारा’ हा त्यांचा कवितासंग्रहही प्रकाशित झाला आहे. डॉ. पवार ह्यांच्या ग्रंथांस मान्यवर संस्थांचे पुरस्कार लाभले असून, मराठी-संवर्धनासंबंधीच्या योगदानाकरिता त्यांना मुंबई मराठी साहित्य संघाचा ‘माधव जूलियन मराठी भाषा प्रचारक पुरस्कार’ ह्या व इतर अनेक पुरस्कारांनी सन्मानित करण्यात आले आहे.
Contributions by author