निबंध / Essay
26 ऑगस्ट , 2025
चिन्मयी सुमीत
प्रसिद्ध अभिनेत्री चिन्मयी सुमीत ह्यांनी मराठी व हिंदी ह्या भाषांतील कला-मनोरंजन-विश्वात सहज, अकृत्रिम, प्रगल्भ, भावोत्कट अभिनयशैलीने आपली खास ओळख निर्माण केली आहे. नाटक, चित्रपट, लघुपट, दूरचित्रवाणी-मालिका अशा विविध माध्यमांतील त्यांच्या अनेक भूमिका रसिकांकडून व समीक्षकांकडून नावाजल्या गेल्या आहेत. ‘मुरांबा’ ह्या मराठी चित्रपटातील भूमिकेकरिता ‘फिल्मफेअर’चा ‘सर्वोत्कृष्ट साहाय्यक अभिनेत्री पुरस्कार’ (२०१८) अशा काही मानाच्या पुरस्कारांनी त्यांना सन्मानित करण्यात आले आहे. भाषा, साहित्य, कला, समाज-संस्कृती ह्यांविषयी समाजाभिमुख, पुरोगामी भूमिका सातत्याने व ठाशीवपणे घेत नि मांडत आलेल्या चिन्मयी सुमीत ‘आविष्कार मुंबई’ ह्या प्रायोगिक नाट्यसंस्थेच्या उपक्रमांत, तसेच ‘कोण नामदेव ढसाळ ? – तुही यत्ता कंची ?’ ह्यासारख्या महत्त्वाच्या विचारजागृतीपर प्रयोगशील कलाविष्कारांत सहभागी होत आल्या आहेत. चिन्मयी सुमीत ह्यांनी आवर्जून आपल्या दोन्ही मुलांना मराठी माध्यमाच्या शाळेत शिकवले. २०१७पासून ‘मराठी माध्यमाच्या शाळांच्या सदिच्छादूत’ म्हणून त्या मराठी अभ्यास केंद्राच्या मराठी-भाषासंवर्धनविषयक चळवळीत सक्रिय सहभाग घेत आल्या आहेत.
Contributions by author