डॉ. अनघा मांडवकर ह्या डी. जी. रुपारेल कला, विज्ञान आणि वाणिज्य महाविद्यालय, मुंबई येथे साहाय्यक प्राध्यापक ह्या पदावर कार्यरत आहेत. त्यांनी काही परिषदांत शोधनिबंध सादर केले असून, मराठी नियतकालिकांत त्यांचे काही लेख प्रकाशित झाले आहेत. अनेक आकाशवाणी-कार्यक्रमांसाठी आणि ध्वनिफितींसाठी त्यांनी संहितालेखन केले आहे, तसेच आवाज दिला आहे. त्यांना भाषा, साहित्य, प्रयोगधर्मी कला आणि संदेशनरूपे ह्यांच्या अध्ययनात विशेष रुची आहे. त्यांनी काही कलाप्रकारांचे प्रशिक्षण घेतले असून; नृत्य, नाटक, आवाज-साधना, वक्तृत्व-वादविवादादी कौशल्ये आणि सर्जनशील लेखन ह्या क्षेत्रांशी त्या कलाकार आणि तज्ज्ञ-मार्गदर्शक ह्या रूपांत संबंधित राहिल्या आहेत.