नितीन अरूण कुलकर्णी हे एक सर्जनशील कला व डिझाईन शिक्षणतज्ज्ञ असून त्यांना एकंदर ३० वर्षांचा अनुभव आहे. कला समीक्षक म्हणून त्यांनी चित्रकारांवर अनेक लेख व वृत्तपत्रांमध्ये १९९९-२०१९ या काळात लेखमाला लिहिल्या आहेत. या व्यतिरिक्त ते एक नव्वदोत्तर कवींमधले अग्रगण्य कवी म्हणून गणले जातात. त्यांचा कवितासंग्रह ‘पहिल्या कविता’ १९९९ मध्ये मराठीत प्रकाशित झाला. १९८७ ते २०१३ या काळात भारतातील विविध प्रतिष्ठित प्रदर्शनांमध्ये त्यांची चित्रे आणि इतर सर्जनशील कामे प्रदर्शित करण्यात आली आहेत.